Суралцагчид вэб хөгжүүлэлт, вэб хөтчүүд, HTML/CSS/DOM хөгжүүлэлтийн хэрэгслүүдийн үндсэн мэдлэгийг эзэмшиж, вэб контентын тайлбар хэл - HTML - болон вэб контентын загварчлалын хэл - CSS ашиглах практик ур чадвараа хөгжүүлнэ. Вэб программын Front-End хэсгийг зөв зохион байгуулах, өгөгдсөн дизайны дагуу загварчлах, зурах, дүрслэх дасгал ажлууд илүү их тусгагдана.

Сургалтын хоёрдугаар хагаст, Django болон SQLAlchemy зэрэг стандарт объект хандалтат өгөгдлийн загварчлалыг ашиглан өгөгдлийн сантай ажиллахад суралцана. Суралцагчид өдий хүртэл олж авсан объект хандалтат програмчлал болон PostgreSQL-ийн мэдлэгээ ашиглан сургалтын төгсгөлд өөрсдийн гэсэн project буюу төслийг хийж гүйцэтгэх бөгөөд код бичих, төсөл удирдах, зохион байгуулах арга зүйд суралцсан байх болно.

Програмчлалын анхан шатны сургалт нь SoftUni-ийн Full-Stack Developer цогц хөтөлбөрт шаардагдах программчлалын анхан шатны ур чадваруудыг олгодог. Үүнд анхан түвшинд програмчлалын код (кодчиллын суурь чадварууд) бичих, хөгжүүлэлтийн орчин (IDE)-д ажиллах, өгөгдөл ба түүний хэмжигдэхүүн ашиглах, оператор ба илэрхийллүүдийг ашиглах, консол (орц болж буй өгөгдлийг унших, үр дүнгүүдээ унших)-той ажиллах, болзолт зохиомж (if, if-else), гогцоо (for, while, do-while гэх мэт)-нуудыг ашиглах зэрэг нь багтана.

Java Advanced сургалт нь Java Advanced болон Java OOP гэсэн 2 курсээс бүрдэнэ. Сургалтаар  алгоритмын сэтгэлгээг бий болгох, объект хандалтат програмчлалын зарчмуудыг сурахад голчлон анхаарна. Тус модуль нь шугаман өгөгдлийн бүтэцтэй ажиллах, тэдгээрийг Java дээр хэрэгжүүлэх, stream, файл, лавлахтай ажиллах, загвар анги үүсгэх, програм хангамжийн туршилт, хөгжүүлэх дизайны загваруудыг багтаасан. Дээр дурьдсанчлан 2 курсийг нэг дор үзэж байгаа тул шалгалтаа амжилттай давбал “Java Advanced” болон “Java OOP” гэсэн хоёр сертификат гардан авна. Олж авсан мэдлэгийнхээ үр дүнд буюу сургалтын төгсгөлд оюутнууд код бичихэд түгээмэл арга зүй, сайн туршлагыг ашиглан томоохон project буюу төслүүдийг бий болгон, турших боломжтой.