Apply

Монгол дахь
програм хангамжийн цогц хөтөлбөр

Дэлхийн компанид мэдээллийн технологиор ажиллах карьерын тань эхлэлийг бид тавьж өгье.

Хөнгөлөлттэй сургалтад хамрагд
Мэдлэг, туршлагатай багш нараас суралц
Дадлагаар суурь ур чадвар эзэмш

ЭЛСЭХ

Хөтөлбөрийн ерөнхий үнэлгээ: 4.9/5

Хөтөлбөрийн давуу тал

Европын шилдэг МТ-ийн сургалтын SoftUni-ийн туршигдсан, тогтмол шинэчлэгддэг цогц хөтөлбөр
Монголдоо тэргүүлэгч програм хангамжийн компанид ажилладаг туршлагатай сургагч багш нар
SoftUni-ийн боловсруулсан хоорондоо маш уялдаатай, өндөр түвшний сургалт, хичээлийн агуулгууд

Онлайн, танхимын алинаар ч суралцах боломж
Практик дадал олгох дасгал ажлын сан, шалгалт бүхий автомат Judge системтэй
Програм хангамжийн сургалт явуулсан 10 гаруй жилийн туршлага

Гадаад болон дотоодод олон жил ажилласан туршлагатай хүмүүсээс суралцах боломжтой
Хичээлийн бичлэг болон бусад сургалтын нөөц материал авах хязгааргүй боломж
Дадлагат суурилсан, онолын баталгаатай сургалт

Дэлхийн хаанаас ч, хэзээд ч онлайнаар хандах боломжтой
Сургагч багш, чиглүүлэгч, суралцагч нарын бүлгэмийн нэг хэсэг болно
Сургалтын материалыг ойлгохын тулд чиглүүлэгч багшаас зөвлөгөө авах боломжтой

SoftUni Global-ийн сургалтын хөтөлбөр ямар хүмүүст тохиромжтой вэ?

Энэхүү хөтөлбөр нь програм хангамжийн инженер болж, мэдээллийн технологийн салбарт мэргэжлийн түвшинд хөгжихийг хүссэн хэн бүхэнд зориулагдсан болно. Хөтөлбөрт хамрагдахын тулд суурь мэдлэг, туршлагатай байх шаардлагагүй ба гагц сурах чин хүсэл эрмэлзэлтэй байх хэрэгтэй.

Ирээдүйтэй, эрэлттэй мэдээллийн технологийн салбарт карьераа эхлүүлэхийг зорьж буй анхлан суралцагч
Эзэмшсэн мэргэжилдээ өөрчлөлт хийх хүсэлтэй хүмүүс
Ур чадвараа дээшлүүлэх хүсэлтэй суурь мэдлэгтэй хүмүүс

Б. Одмичид Java анхан шатны сургалтын суралцагч

SoftUni-ийн Java анхан шатны сургалтад суралцдаг. Java хэлээр код бичих чадвартай байх нь үнэхээр гайхалтай зүйл юм. Ирээдүйд агуу зүйлийг бүтээхэд шаардагдах шинэ мэдлэг, ур чадварыг өгч буй “20К Програмист” төслийг хэрэгжүүлэгч MLC Business School, багш нартаа маш их талархаж байна.

Б. Билэгтсүрэн Python анхан шатны сургалтын суралцагч

Би 11 дүгээр ангид сурдаг. Элсэж орох их сургуулиа хэдийнэ сонгосон. SoftUni-ийн Python сургалтад анхан шатнаас нь суралцаад явж байна. Их сургуульд ороод суралцах програмчлалдаа урьдчилаад суралцаж байна. SoftUni-ийн Python-ын сургалтаас олж авч байгаа мэдлэг, ур чадвар их сургуульд орсон хойно маш их хэрэг болно гэдэгт итгэлтэй байна.

Ө. Индра Python-ын үндсүүд сургалтын суралцагч

SoftUni-ийн Python-ын үндсүүд сургалтын сургагч багш нар хичээлээрээ тухайн технологийн нарийн ширийнийг нэгбүрчлэн заадаг нь анхлан суралцагчдад Python-ын үндсийг ойлгоход маш дөхүү болгодог. SoftUni-ийн Judge систем дэх практик дасгал, шалгалтууд нь сурсан зүйлээ бататгахад их тус болдог.

Н. Хулан Java өгөгдлийн сан сургалтын суралцагч

SoftUni-ийн програмчлалын сургалтын сургагч багш нар оюутнуудтайгаа маш сайн тулж ажилладаг, сургалт хариуцсан менежер нь ойлгомжтой харилцдаг нь програмчлалаа сайн суралцахад их тус болдог. Багаар ажиллах дасгал ажил их хийлгэдэг нь бусдаасаа суралцаж, бичсэн кодыг нь харж өөрийн чадвараа улам сайжруулах сэдэл өгдөг.

Б. Батцэцэг Ахисан түвшний Java сургалтын суралцагч

SoftUni-ийн Java сургалтыг анхан шатнаас нь суралцаж, ахисан түвшинд хүртэл суралцаж байна. Ажлын хажуугаар суралцах уян хатан хуваарьтай, заах чадвар сайтай багш нартай, суралцахад дэмжлэг болдог сургалтын системтэй, хичээлээ өөрийн болгоход туслах дасгал ажил их хийлгэдэг зэрэг нь маш их таалагддаг.

Карьерын дөрвөн замнал

Сонгосон мэргэжлээс тань хамаараад цогц хөтөлбөр 18-24 сарын хугацаатай үргэлжилнэ.

Нэгдүгээр алхам:
80%-ийн хөнгөлөлттэй сургалтанд хамрагдах
Програмчлалын хэлний анхан шатны сургалтанд сууж програмчлалын ертөнцтэй танилцаарай.
Шалгалтаа амжилттай өгч албан ёсны сертификаттай болж, дараа дараагийн үе шатандаа хамрагдаарай.
1 сар
Хоёрдугаар алхам:
Програмчлалын мэдлэг, ур чадвараа нэг шат ахиулах
Анхан шатны сургалтаар олж авсан ойлголтоо програмчлалын үндсүүд сургалтаар баяжуулж, хүссэн вебээ хийх дасгал ажлаа хийгээрэй.
4 сар
Гуравдугаар алхам:
Өөрийн мэргэших салбараа сонгох
Програм хангамжийн инженер болохын тулд ажлын байранд шаардлагатай ур чадварууд олгох мэргэшсэн хичээлд суралцаарай.
8-16 сар
Дөрөвдүгээр алхам:
Төгсөлт болон карьер сонголт
Сургалтын бүх үе шатыг дуусгах
SoftUni-гээс Full Stack Developer гэсэн албан ёсны диплом авч, карьерын төвөөс туслалцаа хүсээрэй.
Харилцагч компаниуд эсвэл өөр байгууллагын мэдээллийн технологийн албанд хүссэн мэргэжлээрээ ажиллаарай.

ЭЛСЭХ

Онлайнаар суралцаж, хичээлээ цаг тухайд нь үзэж, багштайгаа шууд холбогдоно
Видео хичээл, сургалтын бусад эх сурвалжид хүссэн үедээ хандах боломжтой
Асуултад хариулж, сургалтын материалуудыг ойлгоход тань туслах чиглүүлэгч багштай
Хамт суралцагсад ба сургагч багш нартайгаа шинэ санаа, туршлагаа солилцох боломжтой

Сургагч багш нар

Сургалтуудад мэдээллийн технологийн салбарын нэр хүндтэй, чадварлаг мэргэжилтнүүд багшилна. Суралцах хугацаандаа салбарын нэр хүндтэй архитект, ахлах програмист, техникийн мэргэжилтнүүдээс үнэ цэнтэй туршлага олж авах боломжтой.

Б. Цээсүрэн

“Novelsoft” ХХК-ийн ахлах дата судлаач, DL Specialist, Python хөтөлбөрийн сургагч багш

Т. Төгөлдөр

“Nomadic Software Solution”-ийн гүйцэтгэх захирал, Python хөтөлбөрийн сургагч багш

П. Алтансүлд

“Nomadic Software Solution”-ийн програм хангамжийн архитектор, Java хөтөлбөрийн сургагч багш

А. Дархан

“Tab Solution”-ийг үүсгэн байгуулагч (Япон улс), “20K Programmer Bootcamp” төслийн удирдагч

Г. Амаржаргал

“Nomadic Software Solution”-ийн бизнесийн шинжээч, ахлах програмист, Java хөтөлбөрийн сургагч багш

Х. Наранчулуун

“NanoSoft” ХХК-ийн ахлах инженер, Java хөтөлбөрийн сургагч багш

Д. Цэгмид

“Nomadic Software Solution”-ийн ахлах програмист, Java хөтөлбөрийн сургагч багш

Г. Ган-Эрдэнэ

“Nomadic Software Solution”-ийн ахлах програмист, Java хөтөлбөрийн сургагч багш

Б. Батсайн

“Голомт Банк”-ны дата шинжээч, Python хөтөлбөрийн сургагч багш

Н. Оюун-Эрдэнэ

“Mobicom Corporation”-ын систем төлөвлөлтийн инженер, Python хөтөлбөрийн сургагч багш

Н. Мягмарнаран

“Nomadic Software Solution”-ийн ахлах програмист, Python хөтөлбөрийн сургагч багш

Б. Батзориг

“Nomadic Software Solution”-ийн ахлах хөгжүүлэгч, Java хөтөлбөрийн сургагч багш

Дэлгэрэнгүй харуулах

Диплом, сертификат

Цогц хөтөлбөрийн 1-7 дугаар түвшин бүрт, тухайн түвшний сургалтын авбал зохих оноог авч, амжилттай дүүргэсэн оюутанд SoftUni-ээс албан ёсоор баталгаажуулсан сертификатыг MLC Business School-ээс олгоно.
Бүх түвшинд амжилттай суралцсан төгсөгчид Full-Stack Developer-ын диплом олгоно.

Дахин давтагдахгүй таних тэмдэг буюу QR код бүхий, SoftUni-ийн мэдээллийн санд бүртгэлтэй энэхүү диплом нь олон улсад хүчинтэй ба дэлхий даяарх ажил олгогчид хүлээн зөвшөөрдөг.

Хэнд зориулагдсан сургалт вэ?

Шинэ салбарт шилжиж, нэмэлт сургалтад хамрагдах шаардлагатай хүмүүс
Мэдээллийн технологийн салбарт шинээр хөл тавьж буй, өмнөх туршлагагүй ч энэ салбарт карьераа эхлүүлэх сонирхолтой байгаа хүмүүс
Мэдээллийн технологийн салбарт тодорхой хэмжээний туршлагатай ч ур чадвараа ахиулах хүсэлтэй хүмүүс
Практик туршлагад суурилсан чанартай сургалт хайж буй хэн бүхэн

ТҮГЭЭМЭЛ АСУУЛТ ХАРИУЛТ

Программчлалын анхан шатны сургалтаас юу олж мэдэх вэ?

SoftUni Global-ийн албан ёсны эрхтэй Full Stack Developer бэлтгэх анхан шатны Programming Basic сургалт нь 80%-ийн хөнгөлөлттэй. Учир нь бид сурах боломжийг нээлттэй, нийтэд хүртээлтэй болгохыг зорьж байна. Түүнчлэн программчлал тэдэнд тохиромжтой, программ хангамжийн суурь мэдлэггүй өөрийгөө сорих, шинэ зүйлд суралцах хүсэлтэй хүмүүсийг дэмжих зорилготой юм. Тус сургалтаар анхан шатны түвшинд код бичих, IDE буюу хөгжүүлэлтийн орчинтой ажиллах, дата болон түүний хувьсагч, operator болон expression ашиглах гэхчлэн программ хангамжийн тухай ерөнхий мэдлэг олгоно. Сургалтын төгсгөлд та шалгалтаа амжилттай өгснөөр дараагийн шатны сургалтад хамрагдах бүрэн боломжтой.

Анхан шатны сургалт хэзээ ямар хуваарьтай зохион байгуулагдах вэ?

Programming Basic сургалт маань 2 сарын хугацаанд нэг удаа зохион байгуулагддаг. 7 хоногт 2 удаа хичээллэнэ. Лхагва гарагт 18-21 цаг, Бямба гарагт 10-14 цагийн хооронд зохион байгуулагдана.

Суралцах программчлалын хэлээ хэрхэн сонгох вэ?

Та программчлалын аль чиглэлээр суралцахыг хүсч байгаадаа тулгуурлан хэлээ сонгох боломжтой. Тиймээс өөрийн сонирхож буй хэлийнхээ Basic хөтөлбөрийг сонгон суралцахыг зөвлөж байна. Хэрэв та өөр программчлалын хэлээр суралцахаар шийдсэн бол дараагийн шатны сургалтаараа өөрчлөх боломжтой.

Шалгалтаа өгчихөөд дараагийн шатны сургалтандаа хэрхэн хамрагдах вэ?

Элсэлтийн шалгалтад тэнцсэн та сургалтын II-р шат буюу Fundamentals үе шатанд элсэн орох боломжтой. 4 сарын хугацаатай үргэлжилдэг тус сургалтад сонгосон хэлийнхээ код бичих ур чадвар болон программ хангамжийн ерөнхий ойлголт бүхий үндсэн хичээлүүд орно. Дараа нь “Professional” буюу мэргэшсэн ахисан шатны сургалтуудад хамрагдах бөгөөд сургалт бүр мөн 4 сарын хугацаанд үргэлжилдэг. Ахисан шатны сургалтад C#, Java, JavaScript, Python гэх программчлалын хэлээр вэб хөгжүүлэхэд чиглэнэ. C# Web Developer, Java Web Developer, JavaScript Web Developer эсвэл Python Web Developer мэргэжлийн хөтөлбөрт суусан хойно Full Stack Developer болохын тулд хэрэглэгч талын буюу Front-End модулд суралцана.

Full Stack Developer болохын тулд хэр удаан суралцах вэ?

Мэргэшихээр сонгосон хэл болон сонирхлоос тань хамааран 18-24 сарын хугацаанд суралцан мэдээлэл технологийн цогц инженер болно.

Сургалтын төлбөр хэд вэ?

Сургалтын үе шат бүр өөр өөр үнэтэй. Анхан шатны сургалт нь 57-60$-ийн төлбөртэй бол II-р шатны сургалтаас эхлэн 300$-ийн төлбөртэй.

Сургалтын дараах ажил мэргэжлийн боломж хэр вэ?

Сургалтын явцад танилцах болон цалинтай дадлага хийх боломжтой. Түүнчлэн MLC Business School-ээс зохион байгуулдаг “Bootcamp” төсөлд оролцон баг олноороо өөрсдийн хүссэн төслийг хийж гүйцэтгэн зах зээлд гарах зэргээр карьерийн хувьд асар олон боломж нээгдэнэ.

Сургалтын тухай дэлгэрэнгүй мэдээлэл авахыг хүсвэл та дараах утас, имэйлээр холбогдоно уу.

project@mlctraining.mn

+976-70101839

+976-94049075

+976-86068005

Хэрхэн элсэх вэ?

Програмчлалын салбарт хөл тавихад шаардлагатай бүх мэдлэг, ур чадварыг эзэмшихийн тулд төлбөрийн хөнгөлөлттэй сургалтандаа ЯГ ОДОО элсээрэй!

ЭЛСЭХ

SoftUni-ийн албан ёсны эрхтэй мэдээллийн технологийн инженерийн сургалтын анхан шатны сургалтад хөнгөлөлттэй үнээр хамрагдаарай. Та ЭЛСЭХ гэсэн товчийг дараарай.
Хувийн мэдээллээ бөглөөрэй.
Бүртгэл тань баталгаажсанаар таны имэйл хаягт сургалтын хөтөлбөрийн дэлгэрэнгүй хуваарь автоматаар очно.